"Maati ka tum kya moolya jaano?" runk pooche Raja se.
"Itna jaane Maata apni waheen se aayi,waheen ko lauti",
hoton par muskaan dhare kar Luv Kush bole runk se!!

"Khushi hamse door hati, dete dua- sadaa khush raho;
aansu mere haste rahe" Sita boli Dharthi se.

Sita ka premsagar kabhi na sukha,
ki har aansu jo vidhi ne diya,
behkar banaa ek premsagar

'Mere sthaan mei vaas kari jo kya paaya kya khoya?'
Utthar mei kahi Sitamaata apni Maa Dharthi se,
 'Paana khonaa mein nahi jaana, jaana bhaav suhaana -
 aate bhi kahi Ram Ram aur jaathe bhi kahi Ram' 

"Bandhan mei mukthi aur mukthi mei bandhan
Do dilon ka yahi hai spandhan"

"Preet mei kitni sacchaayi? 
Prashn ye nirarthak hai, 
ki Radha kahe meri sacchaayi mei 
kewal mera preet hai" 

"Preet hai sathya ya mithya hai, 
prashna uthe tho Radha kahe, 
Kanha sathya tho preet bhi sathya,
 Kanha jhoot tho preet hai jhoot; 
jo Kanha jhoot tho sathya bhi jhoot 
aur Kanha sathya tho jhoot bhi sathya"