“Mayur nache saavan mei, 
sansaar kahe kya rang hai!
 Radha kahe tu maathr ek 
wo pankh sheesh par Kanha ke” 

"Raghuvar saath tho terah saal ke kaanan kshan Siya svarg svaroop; Siyavar bin Siya sone ki Lanka ek saal kaal dank svaroop" SB

Pyaar tho ek hee boond hai,
is ek boond mei saagar hai.
Ek bhaav mei anek bhaav
sametaa dil ek gaagar hai

'Chaand abhi bhi dur sahi, diya ko kaise paryapth manoon dil ki roshni ke liye?
Badara aaj bhi dur hai tho kya saagar paryapth hai hariyali Dharani ke liye?' 

"Kab tak prateeksha karo" jab mann ne poocha Radha se,

 thakurani wo Radhika rani boli apne dil se 

'Samay bhi mere Kanha hai, prateeksha bhi Kanha hai, 

dil bhi, mann bhi, prashna prashna bhi aur uttar bhi Kanha hai" SB